Финансиска поддршка за модернизација на шумарството и заштита од природни непогоди

Директорот на ЈП „Национални шуми“, г-дин Здравко Трајанов, потпиша договор за финансиска поддршка со министерот за земјоделство, шумарство и водостопанство, г-дин Цветан Трипуновски. Договорот, во вредност од 48 милиони денари, е наменет за набавка на современа механизација и опрема, со цел да се зајакне капацитетот на претпријатието за ефикасно управување и заштита на шумите.

Со овие средства, „Национални шуми“ ќе се модернизира со:

• Трактор со витло, кој ќе го подобри процесот на искористување на дрвната маса.

• Специјализирана опрема за гасење пожари, вклучувајќи пумпи и други уреди неопходни за брза реакција.

• Градежни машини како булдожери, кои се клучни за пробивање и одржување на шумски патишта и патеки.

• Дизел-компресор, неопходен за изградба и санација на шумската инфраструктура.

Оваа инвестиција претставува значаен чекор кон подобрување на ефикасноста во справувањето со природните непогоди и одржливото управување со шумите, што е од клучно значење за целата држава.

2025

СЕ ВОВЕДУВА ЦЕЛОСНА ЗАБРАНА ЗА ДВИЖЕЊЕ ВО ШУМИТЕ

Министерството за земјоделство, шумарство и водостопанство по барање на ЈП Национални шуми – Скопје, согласно член 57, став 3 од Законот за шумите, даде согласност за воведување на целосна забрана за движење во шумите и шумското земјиште во периодот од 00.00 до 24:00 часот, на територијата со која стопанисува јавното претпријатие.

Забраната се воведува со оглед на зголемената опасност од појава на шумски пожари на отворен простор.

Целосната забрана за движење во шума стапува на сила од 01.07.2025 година и ќе трае до 31. 08. 2025 година.

Целосната забрана за движење во шумите и шумското земјиште не важи за:

Министерството за внатрешни работи, Министерство за одбрана, Шумската полиција, Центарот за управување со кризи, Дирекцијата за заштита и спасување, Државниот инспекторат за шумарство и ловство, ЈП Национални шуми, субјектите што вршат шумскостопански активности, сеча, дотур и транспорт на дрво и дрвни сортименти, и лица коишто имаат писмено одобрение за движење во шумите со кои управува ЈП Национални шуми – Скопје.

Движењето ќе биде дозволено единствено со писмено одобрение издадено од подружниците на ЈП Национални шуми – Скопје за подрачјето со кое стопанисуваат/управуваат.

За спроведување на забраната одговорни се вработените од ЈП Национални шуми кои вршат дејност заштита, Шумската полиција и МВР.

За непочитување на оваа забрана на физичките лица кои ќе бидат затекнати дека се движат во шума и шумско земјиште, согласно член 106 од Законот за шумите, ќе им биде изречена парична казна од 1500 до 2000 евра.

ЦЕЛОСНАТА ЗАБРАНА ЗА ДВИЖЕЊЕ ВО ШУМИТЕ НЕ ВАЖИ ЗА ВОДНО И ЗА НАЦИОНАЛНИТЕ ПАРКОВИ

2025

Поддршка на реформите во шумарството во Македонија

Одржана првата регионална работилница во рамки на проектот „Поддршка на реформите во шумарството во Македонија“ (NEAR/SKP/2022/EA-RP/0036).

На ден 21 мај 2025 година, во хотел Пела – Охрид, успешно се одржа првата регионална работилница во рамки на проектот „Поддршка на реформите во шумарството во Македонија“ (NEAR/SKP/2022/EA-RP/0036).

Работилницата беше посветена на презентацијата и дискусијата на Нацрт планот за одржлив развој на шумите во РС Македонија.

Од Јавното претпријатие Национални шуми беше присутен пом.директор на Сектор за план и анализа, инвестиции и развој, информатички и комуникациски технологии Игор Стојановски, како и Раководители на подружниците од Охрид, Струга, Македонски Брод, Ресен и Кичево. На работилницата присуствуваа и претставници од Министерството за земјоделство, шумарство и водостопанство, како и други релевантни институции и граѓански организации, што придонесе за конструктивна и плодна размена на мислења.

2025

ЗАЕДНО ЗА ЗАШТИТА НА ШУМИТЕ!

На 20. 05. 2025 година се во просториите на компанијата ОКТА се одржа состанок кој го означи почетокот на соработката за превенција од пожари на отворено.

Јавното претпријатие Национални шуми, во рамките на соработката доби дрон со напредна технологија за рано откривање пожари, донација од ОКТА, кој ќе им помогне на теренските тимови побрзо и поефикасно да реагираат.

По тој повод, директорот на ЈП Национални шуми проф. др. Здравко Трајанов, изјави дека „Соработката со ОКТА претставува важен чекор напред во нашите напори за заштита на шумите и природата од пожари. Новата опрема значително ќе ни помогне во раното откривање на пожари и ќе ја зголеми ефикасноста на нашите теренски тимови. Превенцијата е суштинска – затоа активно се вклучуваме и во едукативната кампања за подигнување на јавната свест“.

Кампањата „Пази што правиш! За пожар малку треба!“, што ја спроведуваме со ОКТА, има за цел да потсети: Шумите се национално богатство – нивната заштита е заедничка одговорност!

2025

Средба со високи претставници на Италијанските Карабинери (одделот за шумарство).

Во рамки на проектот зајакнување на институционалните капацитети во справувањето со кривични дела против културното наследство и животна средина.

Разговаравме за: пожарите, дрвокрадството, екологијата како и искуствата во шумарството во Италија.

2025

Меморандум за соработка со Клиниката Жан Митрев

По повод 25 годишнината од основањето на Клиниката Жан Митрев, на 27.02.2025 година беше потпишан Меморандум за соработка меѓу основачот на клиниката, д-р Жан Митрев и вд Директорот на ЈП Национални шуми, проф.д-р Здравко Трајанов

Во неколку фази, а како симболика на четвртина век постоење, во периодот што следува ќе бидат засадени 25.000 садници.

Пошумувањето првично ќе започне во опожарените делови од штипскиот регион. Потпишувањето на Меморандумот за соработка и засадувањето на 25 000 садници не е само симболичен чин, туку конкретен чекор кон подобрување на квалитетот на воздухот, создавање поздрава средина и оставање наследство на идните генерации.

Здравата животна средина е еден од клучните фактори за кардиоваскуларното здравје, бидејќи загадениот воздух, намалената зелена површина и климатските промени имаат директно влијание врз кардиоваскуларните заболувања“, изјави д-р Жан Митрев.

Директорот на ЈП Национални шуми, проф. д-р Здравко Трајанов, рече дека засадувањето на 25.000 садници, во соработка со Клиниката Жан Митрев, не е само чекор кон обновување на шумите, туку и директна инвестиција во почист воздух, подобра животна средина и поздрава иднина за сите граѓани.

,,Големо задоволство ми е што сум овде и се надевам на многу соработки во иднина“, изјави Директорот Трајанов.

Вложувањето во шумите е влог во здравјето на луѓето и влог во државата.

Честитки за јубилејот 25 години Клиника Жан Митрев.

2025

Одржан работен состанок со Сојуз на извидници Боренка

На ден 23. 12. 2024 година во просториите на ЈП Национални шуми се одржа работен состанок со нашиот повеќегодишен партнер “Сојуз на извидници Боренка, кој претставува најголемата волонтерска иницијатива за пошумување на опожарени подрачја.

Со заеднички сили, Боренка и ЈП Национални шуми засадија огромен број садници кои ќе ја разубават нашата околина и ќе придонесат за поубава и почиста иднина за сите нас.

2024

Пошумување во Берово

ЈП Национални Шуми пошумуваа заедно со Боренка – с.Будинарци, Берово која беше една од најпогодените локации во пожарите 2021.

Пошумуваа 3 хектари опожарена површина и засадивја 6000 садници со Зелените поборници од Комерцијална банка, средношколците од Берово и Пехчево и извидници од 4 града од земјава.

Денес со повеќе од 100 волонтери ја започнавме најголемата волонтерска акција за пошумување опожарени подрачја во нашава земја.

2024