Производи и услуги

Расадници

Расадниците се сместени на површини кои природно одговараат на потребите за раст и развој на садниот материјал. Притоа се земаат предвид различните макро и микроклиматски услови, орографијата, педолошките и хидролошките карактеристики на теренот. Производниот процес го спроведуваат висококвалификувани и обучени работници, со вклучување и на сезонска работна сила во пиковите на активност.

Методологии на производство

Класичното призводство т.е. садници со гол корен се произведуваат во леи во расадник. Произвотство се изведува со потсејување на семето во сејалиште т.е. во самите леи. Садниците произведени по оваа метода се со старост од две години (2+0) кај иглолисните дрвни видови и една година (1+0) кај листопадните дрвни видови. Кога ќе се постигне саканата возраст се вадат без бусен се пикираат и се дистрибуираат на терен каде што се врши пошумување.

Контејнерската метода претставува современ пристап во кој семето се сее во специјални гајби наполнети со супстрат (најчесто тресет). Овие садници се одгледуваат во контролирани услови – пластеници со оптимална температура, влага и осветлување. Таквиот начин овозможува повисок процент на ртење и добивање на поуедначени, здрави и отпорни садници со старост од 1+0. Бидејќи садниците се засадуваат заедно со супстратот, прифатливоста на терен е значително повисока.

Оваа метода се применува во расадниците во Свети Николе, Куманово, Струмица и Ресен.

Класичната метода подразбира производство на садници со гол корен во отворени леи. Процесот вклучува сеидба на семе во припремени површини (сејалишта), по што садниците растат во природни услови до посакуваната старост – најчесто 2+0 за иглолисни видови и 1+0 за широколисни видови. По нивниот раст, садниците се вадат од земја, се пикираат и се транспортираат до терените за пошумување.

Оваа метода се применува во расадниците во Берово, Делчево, Кавадарци, Радовиш, Кичево, Велес, Демир Хисар, Скопје и Ресен.

Видови и намена

Годишно, во расадниците на ЈП ,,Национални шуми” се произведуваат околу 8.000.000 садници, со семе прибрано од селектирани семенски состојби. Претставени се различни видови дрвја, при што се почитува биолошката разновидност и шумарските потреби на секој регион:

• Иглолисни дрвја: црн бор, бел бор, приморски бор, молика, смрча, ела, дуглазија, ариш, аризонски чемпрес
• Широколисни дрвја: даб, бука, јасен, јавор, багрем, питом костен
• Декоративни видови и грмушки: за потребите на пејсажната архитектура, се произведуваат ограничени количини декоративни растенија во Кавадарци и Радовиш (сејаници, ожиленици, резници)

Овие садници наоѓаат примена во:

• образовни и научни проекти
• државни и приватни пошумувања
• обновување на шумски екосистеми
• уредување на јавни зелени површини
• еколошки и волонтерски акции

Рачна и техничка подготовка на садници

Процесот на производство на саден материјал во расадниците на ЈП „Национални шуми“ вклучува и деликатни рачни фази, каде со голема внимателност и стручност се подготвуваат садници за пошумување. Работниците рачно ја полнат подлогата со тресет, ги садат семињата или младите растенија, и вршат контрола врз секој контејнер.

Овие фази се од суштинско значење за квалитетот на посадочниот материјал. Секоја садница што подоцна ќе стане дел од шумски екосистем, започнува како мала фиданка одгледана со рака, трпение и љубов кон природата.

Во контролираните услови на пластениците, садниците добиваат поддршка и нега од стручни тимови, а дел од фотографиите доловуваат токму таа посветеност и човечки фактор во секој чекор од производствениот процес.

Истовремено, расадниците на ЈП „Национални шуми“ располагаат со современа механизација за полевање, сенчести мрежи за заштита од сонце, автоматизирани системи за вентилација и управување со условите во пластениците. Сето ова овозможува максимален растежен потенцијал на секоја садница.

Производството е резултат на долгогодишно искуство, стручно знаење и континуирана едукација на кадарот. Редовната проверка на квалитетот, внимателната селекција на семенски материјал и употребата на современи методи го прават системот на расадници еден од најзначајните сегменти во мисијата за одржливо стопанисување со шумите.

Расадници во составот на ЈП “Национални шуми” имаат следниве подружници: